Анталия әуежайын қолданушылар артты

Анталия әуежайының қазан айында 4 миллион 714 мың жолаушыға қызмет көрсеткені жарияланды.

Көлік және инфрақұрылым министрлігі Мемлекеттік әуежайлар басқармасы  Анталия әуежайының қазан айындағы ұшақ, жолаушы және жүк статистикасын жариялады.

Мәлімдемеде Анталия әуежайының қазан айында 4 миллион 206 мың 867 халықаралық жолаушыны қосқанда барлығы 4 миллион 714 мың 303 жолаушыға қызмет көрсеткені және қазан айында әуежайға 26 мың 560 ұшақ қонып-ұшқаны, жүк, пошта және багаж тасымалының 58 мың 775 тонна болғаны айтылған.

1 қаңтар мен 31 қазан аралығында әуежайдағы жолаушы тасымалы 35 миллион 504 мың 351, ұшақ тасымалы 214 мың 423, жүк тасымалы 433 мың 570 тоннаға жеткені жарияланды.