Емине Ердоған "COP29" аясында Климат саммитіне қатысады

Президент Режеп Тайып Ердоғанның жұбайы Емине Ердоған Біріккен Ұлттар Ұйымының (БҰҰ) Климаттың өзгеруі туралы негіздемелік конвенциясының  29-шы Тараптар конференциясында (COP29) БҰҰ Бас хатшысы Антонио Гутерришпен кездеседі.

Климаттың өзгеруіне байланысты көптеген маңызды мәселелер, әсіресе жаһандық жылынумен күрестегі соңғы жағдай талқыланатын «COP29» 11-22 қараша аралығында Әзербайжанның ұйымдастыруымен Баку Олимпиада стадионында өтеді.

 «COP29» аясында ертең өтетін Дүниежүзілік көшбасшылары климат саммитіне қатысу үшін Президент Ердоғанмен бірге баратын Емине Ердоған БҰҰ-ның нөлдік қалдықтар жоғары деңгейдегі тұлғалардың консультативтік кеңесі ұйымының басшысы ретінде конференция аясында түрлі бағдарламаларға қатысады. Саммит аясында бірінші ханым Ердоған ертең БҰҰ Бас хатшысы Антониу Гутерришпен кездеседі.

Кездесуде климаттың өзгеруімен күрес және экология мәселелері сонымен қатар Емине Ердоғанның жетекшілігімен басталған «Нөлдік қалдық» жобасы бойынша жұмыстар талқыланады.

Ердоған «COP29»-да БҰҰ Даму бағдарламасының атқарушы директоры Ахим Штайнермен кездеседі. Әзербайжан Президенті Ильхам Әлиевтің  жұбайы Михрибан Әлиева басқаратын «Хайдар Әлиев» қоры, «Өзбекстан жер» халықаралық халық қорымен бірлесіп өткізілетін «Экологиялық тәрбие» атты шарада жас еріктілермен де кездеседі.