Сауда министрі бірнеше маңызды кездесу өткізді

Сауда министрі Өмер Болат Ислам Ынтымақтастық Ұйымы  Экономикалық және сауда ынтымақтастығы жөніндегі тұрақты комитетінің 40-шы Министрлер жиналысына қатысу үшін кеше Стамбулда Гамбия, Палестина, Камерун және Сауд Арабиясынан келген әріптестерімен кездесті.

Алдымен Гамбияның Сауда, өнеркәсіп, аймақтық интеграция және жұмыс министрі Бабаучар Оусмаила Жуфпен кездескен Болат кейін Түркия-Гамбия дөңгелек үстел жиналысына қатысты.

Қонақ министр Бабаукар Осмаила Жуф, Сыртқы экономикалық байланыстар кеңесі, «Africa Agenda Network» ұйымы және екі елдің іскерлік әлемінің жоғары лауазымды тұлғалары қатысқан кездесуде елдер арасындағы қарым-қатынастар талқыланды.

Түркияның Африка саясатында маңызды орын алатын Гамбиямен екіжақты сауда айналымын арттыру мақсатындағы кездесуде инфрақұрылым және электр энергетикасы, жаңартылатын энергия, өнеркәсіп аймақтары, еркін аймақтар, кедендерде тиімділік, ел ішіндегі көлік сияқты салаларда ынтымақтастықты арттыру және Түркияның тәжірибелерін бөлісу мәселелері қарастырылды.

Одан кейін министр Болат Палестинаның Ұлттық экономика министрі Мохаммед әл-Амур және оның делегациясымен екіжақты және делегацияаралық кездесу өткізді.

Кездесу барысында Израильдің Газа және Палестинада жалғасып жатқан шабуылдарының дереу тоқтатылуы керектігін атап көрсеткен министр Болат Палестинаға қажет өнімдерді қамтамасыз ету үшін мамыр айында құрған ортақ механизмді одан әрі күшейту тақырыптарын талқылағандарын білдірді.

Министр Болат Израильдің аймақта жасаған геноцидіне қарсы Түркияның барлық өнімдерді қамтитын экспорт және импорт операцияларын тоқтату және 2 мамырдан бастап кедендік жүйені жабу шешіміне палестиналық әріптесі Мұхаммед әл-Амурдың риза болғанын білдірді. Әрқашан Палестина жағында болатынын атап өткен Болат: "Бұл тұрғыда Палестинадағы отаршылдықты, соның ішінде барлық оккупацияны тоқтату және тәуелсіз Палестина мемлекетін құру мен дамуына қолдау көрсетуімізді жалғастырамыз." - деді.

Сауда министрі Болат жиналыс аясында Камерунның Аймақтық Басқару министрі Пол Атана Нджи және оның делегациясымен де кездесіп, екі ел арасындағы сауда айналымын арттыру және ынтымақтастық бағыттарын көбейту мәселелерін талқылады.

Болат күннің соңғы кездесуін Сауд Арабиясының Сауда министрі Мәжид әл-Касаби және оның делегациясымен өткізді.

Болат Түркия мен Сауд Арабиясы арасындағы сыртқы сауда айналымының қысқа мерзімде 10 миллиард доллар, орта және ұзақ мерзімде 30 миллиард доллар болатынын айтты.