Жапония мұрагер ханзадасы мен ханшайымы Түркияға келеді
Мұрагер жұп Президент Режеп Тайып Ердоғанмен кездесіп, «Эртугрул» фрегаты көрмесі өтетін мұражайды аралайды.
Жапонияның мұрагер ханзадасы Фумихито мен ханшайымы Кико 2024 жылдың желтоқсан айында Түркияға келеді.
Түркия мен Жапония екіжақты дипломатиялық қарым-қатынастың 100 жылдығына орай өзара қарым-қатынастарын нығайтуда. Мұрагер ханзада Фумихито мен мұрагер ханшайым Кико 3-8 желтоқсан аралығында Түркияға келеді. 4 желтоқсанда Анкарада мұрагер жұп Президент Режеп Тайып Ердоғанмен кездеседі деп күтілуде. Ерлі-зайыптылар одан кейін еске алу рәсімі үшін Стамбулға барып, 1890 жылы Жапонияда суға батқан «Эртугрул» фрегаты көрмесі өтетін мұражайды аралап, 8 желтоқсанда Жапонияға оралады деп жоспарлануда.
Османлы флотының «Эртугрул» фрегатының суға батуы түрік-жапон достығының бастауы болып саналады. Ислам әлемінен Жапонияға ұйымдасқан түрде алғашқы дипломатиялық делегация мінген «Эртугрул» фрегаты 1889 жылы шілдеде 609 адамдық экипажбен Стамбулдан шыққан болатын. Фрегат Йокогамаға 11 айдан кейін жетеді. Жапония императоры Мэйдзи қабылдаған делегация басшысы Осман паша Осман сұлтаны II Абдулхамидтің Мейджиге жіберген хаты мен медалін табыс еткен еді. Сапар аясында көптеген кездесулер өткізген Османлы делегациясы 1890 жылы 15 қыркүйекте Йокогамадан шығып, 16 қыркүйек күні кешке Вакаяма провинциясының оңтүстік-шығысындағы Кушимото ауданы маңында тастарға соғылғаннан кейін суға батып кетеді. Бұл апаттан тек 69 матрос аман қалып, 540 Османлы теңізшісі қаза тапты.
Сапардың қайғылы оқиғасы екі ел дипломатиясының бастауы деп бағаланса, суға батқан фрегат пен теңізшілердің рухани мұрасы екі ел халқының жүрегінде 134 жыл бойы сақталған.
