«TUSAŞ» компаниясы туралы

Анкараның Кахраманказан ауданындағы Түрік авиация және ғарыш өнеркәсібінің жетекші компанияларының бірі, террорлық шабуылдың нысанасына айналған Түрік авиациясы және ғарыш өнеркәсібі акционерлік қоғамы (TUSAŞ) Түркияны 5-ші ұрпақ ұшақ шығара алатын аз елдердің қатарына қосатын Ұлттық жойғыш ұшақ «KAAN» сияқты көптеген маңызды жобаларды жүзеге асыруда.
1973 жылы құрылған «TUSAŞ» Түркияға қажет әуе көліктерінің жобалануы, өндірісі және модернизациясымен қатар экспорттық қызметтерді де атқарады.
Компания бүгінгі күнге дейін жүзеге асырған маңызды жобаларымен Түрік қорғаныс өнеркәсібінің күшеюіне үлкен үлес қосқан. Компанияның үйлестіруімен өндірілген «T129 ATAK» шабуыл және тактикалық барлау тікұшақтары, «T70» жалпы мақсатты тікұшақ, «ANKA» және «AKSUNGUR» ұшқышсыз әуе көліктері сияқты әуе платформалары қауіпсіздік күштеріне қызмет көрсетуде.
«HÜRKUŞ» негізгі оқу ұшағы, «HÜRJET» оқу және жеңіл шабуыл ұшағы мен «GÖKBEY» жалпы мақсатты тікұшақ сияқты өнімдер инвентарь қатарына кіру үшін күн санап дайындалып жатыр, ал «ANKA III» атты ұшқышсыз жойғыш ұшағының тестілеуі қарқынды түрде жүргізілуде.
Компанияның ең маңызды жобаларының бірі болып табылатын және құрылыс процесі жалғасып жатқан Ұлттық жойғыш ұшақ «KAAN» елдің авиация тарихында маңызды кезең болып табылады. 
«KAAN» жобасы арқасында Түркия әскери ұшақ жобалау және өндірісі бойынша әлемдегі санаулы елдердің қатарына қосылуға маңызды қадам жасайды. «KAAN» Түркияны әлемде 5-ші ұрпақ ұшақ шығара алатын аз елдердің қатарына қосуды көздейді.
Бұл жоба Түркияның қорғаныс өнеркәсібіндегі тәуелсіздігін нығайтып, сыртқы тәуелділігін азайтады. «KAAN-ның» 2028 жылы Түрік әуе күштері инвентарында енуі жоспарлануда. 
«TUSAŞ» әлем бойынша да назар аударатын жетістіктерге қол жеткізді.  Компания соңғы кездері Әзербайжанның инвентарындағы «Су-25» ұшақтарының модернизациясын жасап, Әзербайжанға жеткізді.