Дүниежүзілік банктен Түркияның жобаларына қолдау

Қаржы және экономика министрі Мехмет Шимшек Америка Құрама Штаттарындағы (АҚШ) сапарының алғашқы күні Дүниежүзілік банкпен қолайлы шарттар негізінде 4 жоба бойынша қаржыландыру келісіміне қол қойды. 
Министр Шимшек G20 және Дүниежүзілік банк кездесулеріне қатысты.
Шимшек қатысқан кездесуде Дүниежүзілік банкпен энергия тиімділігі, су тасқыны және құрғақшылықты басқару, Жасыл келісім және жер сілкінісі аймағындағы өнеркәсіптік алаңдардың қайта құрылуы бойынша 4 маңызды жоба үшін несиелік келісімге қол қойылды. 
Аталған жобалар Экология, Қалалық даму және климаттың өзгеруі, Ауыл шаруашылығы және орман, сондай-ақ Өнеркәсіп және технология министрліктері тарапынан жүзеге асырылатын болады. 
Жобалар мемлекеттік ғимараттарда энергия тиімділігін арттыруды, апаттарға төзімділікті күшейтуді, Жасыл келісімнен теріс әсер алуы мүмкін топтарды қолдауды және жер сілкінісі аймағындағы микро, шағын және орта кәсіпорындардың тұрақтылығын нығайтуды көздейді.
Осы жобалар үшін Түркия Дүниежүзілік банк тарапынан шамамен 1,9 миллиард долларға қаржыландырылды. Осылайша биыл Дүниежүзілік банктен алынған қаржыландыру көлемі 3,9 миллиард долларға жетті. 
Қаржы және экономика министрі Шимшек өткен жылы Орта мерзімді бағдарлама жариялағаннан кейін Дүниежүзілік банктің Түркияға бөлген қаржысын айтарлықтай арттырып, 17 миллиард долларлық бағдарламаның 3 жыл ішінде 18 миллиард доллар қосу жоспарланғанын атап өтті. Сонымен бірге министр Шимшек жалпы қаржыландыру көлемінің 35 миллиард долларды құрайтынын хабарлады. "Бүгін қол қойылған жобалар Дүниежүзілік банктің жүзеге асырып жатқан экономикалық бағдарламамызға деген сенімін қайтадан растауда. Банктің жалпы пакетті ұлғайту бойынша жұмыстары да жалғасуда, Дүниежүзілік банкте жүзеге асырылатын жобалар еліміздің даму приоритеттерін ескереді," – деді ол. 
АҚШ-тағы сапарының алғашқы күнінде Дүниежүзілік банктың вице-президенті Антонелла Бассанимен кездескен Шимшек сондай-ақ Азия Даму Банкінің президенті Масато Канда, Пәкістан Қаржы министрі Мухаммед Аурангзеб және Ливия Орталық банкінің төрағасы Нажи Исамен де жүздесті.