TRT-нің жетістіктері туралы ABU-да сөз қозғалды

Түркия Радио Теледидар Мекемесінің (TRT) Бас директоры Мехмет Захид Собажы:
"TRT өндірген сериалдар 110-нан астам елде 50-ден астам тілде көрсетіледі." деді. Түркияның визуалдық және дабыстық жады TRT 60-шы мерейтойы аясында Азия-Тынық мұхиты хабар тарату одағының (ABU)  бас ассамблеясының отырыстары үшін Стамбулға келген ABU делегациясына арнайы қабылдау ұйымдастырды.
Қабылдауға 60-қа жуық елден 400-ден астам хабар таратушы қатысты. Бұл шарада сөз сөйлеген TRT-нің Бас директоры Мехмет Захид Собажы TRT-нің тек жады ғана емес, сондай-ақ болашақ екенін айтты. TRT-ның азаматтардың санасын сілкіндірген дағдарыстарда әрқашан шындықтың жағында болғанын атап өткен Собажы мекеменің медиа саласындағы көшбасшылығына назар аударды.
Мехмет Захид Собажы: "Түркия бүгін бар күш-жігерімен барлығы үшін әділ және өмір сүруге жарамды әлем үшін күресіп, сананы терең сілкіндіретін дағдарыстарға адамгершілік құндылықтарға сәйкес шығу жолдарын іздеуде. Біз еліміздің мемлекеттік хабар таратушысы TRT ретінде Президентіміз Реджеп Тайып Ердоғанның жетекшілігінде барлық дағдарыстарда ақиқатты және шындықты бірінші орынға қойған Түркияның осы қадірлі тұрғысынан жауапкершілікті әрдайым сезінеміз, хабар таратудағы тәжірибеміз бен мүмкіндіктерімізді осы жауапкершілікке сәйкес пайдалану үшін бар күшімізбен жұмыс істейміз." деді.
"Елімізде өндірілген сериалдар әлем бойынша шамамен бір миллиард адамға жеткен осы кезеңде сериал секторында да көшбасшымыз." деді ол.
Халықаралық цифрлық платформа "Tabii"-дің 2023 жылдың мамырында пайдалануға ашылғанын атап өткен Собажы: "17 айдай қысқа мерзімде 6 миллионнан астам қолданушымен "Tabii" арқылы өркениетімізден шыққан контентімізді көрермендерімізге ұсынғымыз келеді. 5 тілде 40-тан астам түпнұсқа өнім және 20 мың сағаттан астам контент ұсынатын "Tabii"-ді Алла қаласа, жақын уақытта бүкіл әлемге қолжетімді етеміз." деді.