Мехмет Шимшек АҚШ-та кездесулер өткізеді
Министр іссапар аясында 50-ге жуық ресми іс-шараға қатысады.
Қазына және қаржы министрі Мехмет Шимшектің бүгін Америка Құрама Штаттарында (АҚШ) кездесулері басталды.
«G20» және Дүниежүзілік банк жиналыстарына қатысатын министр Шимшек АҚШ-тың қазына министрі Джанет Йеллен және Пәкістан қаржы министрі Мұхаммед Аурангзебпен қатар бірнеше екіжақты кездесулер өткізеді.
Шимшек бағдарлама аясында 50-ге жуық ресми іс-шара мен инвесторлар кездесуімен қатар екі күндік «G20» және Дүниежүзілік банк Даму комитетінің отырысына қатысады.
Шимшек сондай-ақ көпжақты даму банктерінің төрағалары мен жоғары басшылықтарымен, Дүниежүзілік банк төрағасы Аджай Бангамен, Азия Даму банкі төрағалығына кандидат Масато Кандамен, Жапон халықаралық ынтымақтастық агенттігінің төрағасы Нобумитсу Хаяшимен, Еуропа Кеңесі Даму банкі төрағасы Карло Монтиселлимен, Ислам Даму Банкінің төрағасы Мұхаммад Әл Джасермен және Халықаралық қаржы корпорациясының жетекшілерімен кездесулер өткізеді.
Министр Шимшек «Халықаралық Валюта» Қоры төрағасы Кристалина Георгиева және бірінші вице-президент Гита Гопинатпен де кездеседі.
АҚШ іссапары аясында инвестор кездесулеріне қатысатын Шимшек «BBVA», «JP Morgan», «BoFA», «HSBC», «Deutsche Bank», «Standard Chartered» және «Barclays» сияқты жетекші инвестициялық банктарымен инвестор семинарында баяндама жасайды.
Министр Шимшек елдің жетекші талдау орталықтарымен де кездеседі.
Брукингс институтының маңызды зерттеу орталықтарының бірі «Hutchins» орталығында түрік экономикасы туралы баяндама жасайтын Шимшек Атлантикалық кеңес пен Халықаралық қаржы институтында Түркияны жақыннан бақылайтын ғалымдар мен экономистермен кездесу өткізеді.
