Ердоған: "Түркия қысымға қарсы және езілгендердің жанында"

Түркия Президенті Режеп Тайып Ердоған Израильдің басқыншылық саясаттарына қарсы Біріккен Ұлттар Ұйымынан (БҰҰ) бастап басқа да  халықаралық қауымдастықтардың етене араласу керектігін айтты.

«БҰҰ болашақтың саммиті жаһандық шақыру» онлайн шарасына бейне хабарлама жолдаған Президент Ердоған мемлекет және үкімет басшылары мен БҰҰ Бас хатшысы Антониу Гутеррешке сәлем жолдады.

Қауіпсіз және жарқын болашақ құру үшін алдымен бейбітшілік қажет екенін атап көрсеткен Ердоған «Терроризм, ислам және ксенофобия, ретсіз көші-қон және климаттың өзгеруі сияқты қиындықтар геосаяси мәселелерді арттырып отыр. Мұның ең азапты үлгісін Палестинада, әсіресе Газада 11 айдан бері көріп отырмыз. 41 мыңнан астам адам қаза тапты. Олардың 17 мыңы балалар болса, жараланғандар саны 100 мыңнан асқан.  Газа аймағының түгелдей жойылуына куәгер болып отырмыз. Израильдің басқыншылық саясатына қарсы алдымен Біріккен Ұлттар Ұйымынан (БҰҰ) бастап халықаралық қауымдастықтардың етене араласуы керек. Балалар бомбаланып жатқан әлемде өзімізді қауіпсіз сезіне алмаймыз. Түркия  қысымға қарсы және езілгендердің жағында болуды жалғастырады. Бұл адами ұстанымымызды жалғастырамыз» деді.

Президент белгілі бір өркендеу деңгейіне қол жеткізген елдер ғана емес, даму талпыныстарын жалғастырып жатқан қоғамдар да әділетті түрде ұсынылатын жаһандық басқару жүйесін қамтамасыз етулері керек екенін атап айтты.

Ердоған «Қоғамды ластайтын кез келген жеккөрушілікке, нәсілшілдікке және әсіре оңшыл қозғалыстарға қарсы демократияларымызды қорғауымыз керек» деді.