Министр Гүлер «қорғаныс өнеркәсібі» туралы мәлімдеді

Ұлттық Қорғаныс министрі Яшар Гүлер Ыспартадағы Эғридир тау әскери жасақтары мектебі мен Оқу орталығы қолбасшылығында жаңа оқу жылының ашылу салтанатына қатысты.

Құрлық әскерлері шекараны қажымас қайрат және табандылықпен қорғағанын атап айтқан Гүлер қауіп-қатерді дәл орнында залалсыздандыру стратегиясымен ел көлемінде және шекаралық аймақтарда жасаған сәтті операциялары арқылы террормен күресте үлкен жетістіктерге қол жеткізілгенін баса айтты.

Террористтерге тыныс алдырмайтын батыр түрік әскерінің Ирактың солтүстігінде «Пенче-килит» операциясында Сирия операциялық аймағында бұрын-соңды болмаған ерлікпен террористердің қорқынышына айналғанын мәлімдеген Гүлер бұл табыста арнаы жасақтардың да маңызды үлесі бар екенін атап көрсетті.

Айтқан сөзінде «түрік қорғаныс өнеркәсібіне» тоқталған Гүлер "Жергілікті және ұлттық қорғаныс өнеркәсібіне ие болу және Түрік Қарулы Күштерімізді жетілген қару жүйелерімен жабдықтау еліміздің болашағы тұрғысынан таптырмас бір қажеттілікке айналды. Осы себепті соғыс қарулары, құрал-саймандары және жабдықтарындағы технологиялық жаңалықтарды уақытты босқа өткізбей сіздерге падалануға беріп, батыр армиямыздың мүмкіндіктері мен қабілеттерін үнемі жетілдіреміз" деді.

Ұлттық Қорғаныс министрі одан мықты Түркия, одан күшті Түрік Қарулы күштері үшін қажымас қайратпен жұмыстарын жалғастыратындарын атап көрсетті.