Йерликая: "Диярбакыр аналарының акциясы 6 жылдан бері жалғасуда"

Ішкі істер министрі Али Йерликая балаларын тауға алып қашқан бөлшектеуші террор ұйымы PKK-ға наразылық үшін Халықтардың Демократиялық партиясы (ХДП) қалалық филиалы алдында диярбакырлық аналар ұйымдастырған отыру акциясының арқасында 6 жылда 55 ұйым мүшесінің берілуге көндірілгенін білдірді.

Министр Йерликая әлеуметтік желідегі аккаунтынан жасаған хабарламасында диярбакырлық аналардың бастамасымен ұйымдастырылған акцияның 6 жылды артта қалдырғанын еске салды.

Йерликая аналардың сабыр мен жанашырлықтың символы екенін, қайғы-қасіретті жүректерінде сақтағанын атап «Бірақ баласы әңгіме болған кезде Диярбакыр аналары қаланың қабырғаларындай берік тұрады. 6 жылда террор ұйымының көндіру арқылы 55 мүшесі берілді. Президентіміз Режеп Тайып Ердоған мырзаның басшылығымен батыр әскерлеріміз бен қауіпсіздік күштерімізге қоса, мемлекеттің барлық мекемелері террорды жою үшін күресін жалғастыруда» деді.