«Hürjet» ұшағы көрмеде өнер көрсетті

Жергілікті мүмкіндіктермен жетілдірілген «Hürjet» ұшағы Халықаралық Мысыр Авиация көрмесінде өнерін көрсетті.

Мысырдың Александрия қаласы маңындағы халықаралық әуежайда бірінші рет ұйымдастырылған көрме ашылды.

Мысыр Қорғаныс министрлігі мен Мысыр Әуе күштері бірігіп ұйымдастырған көрмеде Түрік Авиация және ғарыш өнеркәсібі басқармасы (TUSAŞ) «Hürjet» ұшағын таныстырды. 10 минут ұшқан түрік ұшағын қонақтар қызығушылықпен тамашалады.

Көрмеде Африка және Таяу Шығыстың қорғаныс, ғарыш және коммерциялық авиация саласының басшылары мен үкімет өкілдері бас қосты.

Осы көрмеге жақсы дайындалған TUSAŞ Ұлттық шабуылдаушы ұшақ «KAAN», шабуылдаушы «Hürjet» ұшағы, «T129 Atak» тікұшағы мен «AKSUNGUR» ұшқышсыз аппаратының макеттерін көрмеге қойды.

Бірінші рет 2023 жылдың 30 қаңтар күні моторы іске қосылған «Hürjet» ұшағы 25 сәуірде аспанда ұшты. Сынақтардан сүрінбей өтіп, қабілеттері жетілдірілген «Hürjet» ұшағы Түрік Әуе күштеріне 2025 жылы тапсырылады деп жоспарланды.