Катар баспасөзінен Ердоғанға мақтау

Катар ақпарат құралдары президент Режеп Тайып Ердоған ресми сапармен барған Катар мен Түркия арасында жетілдірілген «стратегиялық серіктестікке» жоғары баға беріп, қарым-қатынастардың жоғары деңгейге көтерілетінін атап көрсетті.

Катар ресми ақпарат агенттігі «QNA» мен Катардың «Эр-Рая» газеті президент Ердоғанның Парсы шығанағы сапары аясында жүзеге асқан  Доха сапарына тоқталды.

«QNA» ақпарат агенттігінің хабарында «Түркия Президентінің елге (Катар) сапары екі ел арасындағы дипломатиялық қарым-қатынастардың басталғанына 50 жыл және Түркия Республикасының құрылғанына 100 жыл толуына тұспа-тұс келіп отыр» делінді.

Түркия мен Катар арасында көптеген салада стратегиялық серіктестікті дамыту «әлемдегі ең табысты серіктестік» ретінде бағаланып, «QNA» президент Ердоған мен Катар Әмірі Тамим ибн Хамид әл-Санидің «мықты саяси ерік-жігерінің» арқасында қарым-қатынастардың жақсарғанын баса айтты.

«Эр-Рая» газетіне сұхбат берген Катардың Түркиядағы елшісі шейх Мұхаммед бин Насер ибн-Касим Әл Сани президент Ердоғанның «стратегиялық серіктестік үшін жаңа көкжиектер ашатынын» айтты.

«Эш-Шарк» газеті болса президент Ердоғанның сапарына ерекше орын беріп, Түркия мен Катар арасындағы екіжақты қарым-қатынастардың маңыздылығына тоқталған жаңалықтарға орын берген.