Шетелде берілген дауыстар ел астанасы Анкараға әкелінді

Түркияда 28 мамырда өтетін президенттік сайлаудың екінші туры үшін шетелде берілген дауыстар ел астанасы Анкараға әкелінді.

Шетелде қолданылған 1 миллион 783 мың 107 дауыстың барлығы Түрік Әуе Жолдарына тиесілі 3 ұшақпен Анкараға әкелінді.

Дауыстар жүк көліктеріне тиеліп, «Дауыс беруге арналған сөмкелерді тапсыру комиссиясының» құзыретінде қорғау органдары қызметкерлерінің бақылауымен Шетелдегі округтік сайлау комиссиясына жеткізілді.

Шетелде дауыс беру аяқталғаннан кейін сайлау тізімі шетелде болған сайлаушылар 28 мамыр күні сағат 17.00-ге дейін кеден қақпаларында дауыс бере алады.