Гемлик зәйтүні Еуропада тіркелді
Өнеркәсіп және технология министрі Мұстафа Варанк Гемлик зәйтүнінің Еуропа Одағында ресми тіркелгенін айтты.
Еуропалық Одақ (ЕО) Гемлик зәйтүнін тіркеуге алады.
Өнеркәсіп және технология министрі Мұстафа Варанк Гемлик зәйтүнінің Еуропа Одағы комиссиясының ресми газетінде тіркелгенін және тіркеу процесінің 28 мамырда аяқталатынын айтты.
Варанк Бурсадағы мәлімдемесінде Гемлик зәйтүніне қатысты ЕО-да жүргізілген географиялық көрсеткіш зерттеулері туралы ақпарат берді.
Түркиядағы әлемге әйгілі Гемлик зәйтүнінің географиялық белгісін Өнеркәсіп және технология министрлігінің Түрік патент және марка белгілері кеңсесі бергенін еске салған министр Варанк ЕО-да географиялық белгісі бар өнімдер қатарына тіркеуге де өтініш бергендерін хабарлады.
Министр Мұстафа Варанк:
"Гемлик зәйтүндері Еуропалық комиссияның ресми журналында тіркелді. 28 мамырда бұл тіркеу процесі аяқталады. Гемлик зәйтүні енді Еуропалық Одақта ресми түрде танылған өнімге айналады" деді.
Түркияның жергілікті ерекшеліктерімен және жергілікті өнімдерімен әлемнің ең бай елдерінің бірі екеніне назар аударған Варанк:
«Осы уақытқа дейін Түркиядан 9 өнім Еуропалық Одаққа тіркелді. Гемлик зәйтүнінің 10-шы өнім ретінде тіркелуі аяқталады және біз бұл өнімді әлемдік нарыққа тіпті жақсы шығара аламыз» деп көрсетті.
Қазірге дейін Түркияның Еуропалық Одақта тіркелген 9 географиялық белгісін алған өнімі бар: Антеп баклавасы, Айдын інжірі, Малатия өрігі, Айдын каштаны, Милас зәйтүн майы, Байрамич ақ өрігі, Ташкөпрү сарымсағы, Гиресун жаңғағы және Антакия кунефе тәтті қатарлылар.
