Түркия Израильдың шабуылын қатал түрде айыптады
Түркия Израильдың жаулау астындағы Газа секторында палестиналықтарға қарсы жасаған шабуылдарын айыптады.
Сыртқы істер министрлігінің жазбаша мәлімдемесінде «Біз Израиль күштерінің бүгін (9 мамыр) Газада жасаған шабуылдарын айыптаймыз. Бұл шабуылда әйелдер мен балалар қаза тапты. Мұндай зұлым әрекеттерді ешбір жағдайда қабылдауға болмайды» делінді.
Түркия Ұлы Ұлттық Мәжілісі төрағасы Мұстафа Шентоп әлеуметтік медиа парақшасында жасаған мәлімдемесінде Израильдің Газаға жасаған шабуылдарын қатаң түрде айыптады.
Шентоп «Шабуылда қаза тапқан палестиналық бауырларымызға Алланың рақымын тілей отырып, Палестина мемлекеті мен халқына көңіл айтамыз» деген сөздер қолданды.
Шентоп Түркияның Палестина халқының заңды құқықтарына қарсы жасалған бұл заңсыз шабуылдарды үнемі айыптауын жалғастыратынын атап көрсетті.
Президенттік баспасөз хатшысы Ибрахим Калын да Израильдің Газаға жасалған шабуылдарын айыптағанын білдірді.
Калын «Палестина халқына қарсы әскери шабуылдар дереу тоқтатылуы керек. Түркия Палестина халқының жанында болады» деді.
