Ердоған кейбір телеарналардың ортақ эфиріне қатысты
Президент Ердоған ДАИШ басшысы Әл-Курейшидің Сирияда залалсыздандырғанын мәлімдеді.
Президент Режеп Тайып Ердоған Ұлттық барлау ұйымының (ҰБҰ) Әбу Хусейн әл-Курейши лақапты ДАИШ террор ұйымының басшысын Сирияда залалсыздандырғанын мәлімдеді.
Президент Ердоған шетелге хабар таратын кейбір телеарналардың ортақ эфиріне қатысып, журналистердің сұрақтарына жауап қайтарды.
Ердоған Түркияның қауіпсіздігі үшін ел көлемі мен шетелде жүргізілген террормен күрестің арқасында террор ұйымдарының қыспаққа алынғанын, террористердің енді бастарын көтере алмағанын және террористтердің тыныс алуына рұқсат берілмегенін білдірді.
Түркияның террормен күресінің сондай-ақ Еуропаның қауіпсіздігіне де үлес қосқанына назар аударған Ердоған НАТО құрамында ДАИШ, PKK/YPG мен ФЕТО террор ұйымдарына қарсы ең тиімді күресті тек Түркияның жүргізгенін атап көрсетті.
Ердоған соңғы жылдары PKK террор ұйымының Ирак және Сирияда әрекеттерін жалғастырған әртүрлі мәртебедегі көптеген басшысының залалсыздандырылғанын, шетелдегі кейбір ФЕТӨ террор ұйымы мүшелерінің Түркияға әкелінгенін түсіндірді.
ДАИШ-тің басшысы Әбу Хусейн әл-Курейши лақапты тұлғаның ҰБҰ тарапынан 29 сәуір күні Сирияда арнайы бір операциямен залалсыздандырылғанын атап көрсеткен Ердоған «Террор ұйымдарымен күресіміз бұдан кейін де бар қарқынымен жалғасады» деді.
