Чавушоғлу Израиль Сыртқы істер министрімен телефонда сөйлесті

Сыртқы істер министрі Мевлүт Чавушоғлу Израиль Сыртқы істер министрі Эли Коэнмен телефон арқылы сөйлесті.

Сыртқы істер министрлігінің мәлімдемесіне қарағанда  әңгімеде Әл-Ақса мешітіне байланысты  соңғы оқиғалар талқыланды.

Чавушоғлу Израиль үкіметінің Рамазан айының соңына дейін мұсылмандардан басқа ешкімнің Әл-Ақса мешітіне кіруіне рұқсат бермеу шешімін шиеленісті азайту тұрғысынан оң деп санағанын айтты және Әл-Ақса мешітінде арандатушылықтардың қайталанбауы керектігін түсіндірді.

Чавушоғлу Түркияның шиеленісті азайтуға барлық үлесті қосатынын білдірді.

Бұдан бұрынғы оқиғаларды еске сала кетейік.

Израиль полициясының екі күн қатарынан Әл-Ақса мешітінде мұсылмандарға қарсы дыбыс бомбалары, пластикалық оқтар және таяқтармен шексіз күш қолдануы жаулау астындағы Шығыс Иерусалимде шиеленістердің ушығуына себеп болған еді.  

Израильдің 4 сәуір күні Әл-Ақса мешітіне жасаған шабуылымен аймақта басталған шиеленіс 7 сәуір жұма түнінің алғашқы сағаттарында Израильдің Газа және Ливанға жасаған шабуылдарымен ұлғайған болатын.

11 сәуірде Израиль премьер-министрі Биньямин Нетаньяху жаулап алынған Шығыс Иерусалимдегі Әл-Ақса мешітіне ұшқары еврейлердің шабуылдарын Рамазан айының соңына дейін тоқтату туралы шешім қабылдаған болатын.