Түркияға қолдау келіп жатыр
Әзербайжан, Израиль, СКТР және АҚШ қолдау білдірді.
Әзербайжан Төтенше жағдайлар министрлігі эпицентрі Кахраманмараштың Пазаржык ауданы болған және 10 қалаға әсер еткен 7,4 балдық жер сілкінісіне байланысты 370 адамдық іздеу-құтқару тобының Түркияға жіберілетінін хабарлады.
Министрлік жасаған мәлімдемеде президент Ильхам Әлиевтің Түркияда болған қатты жер сілкінісінің зардаптарын жою және іздеу-құтқару жұмыстарына қолдау көрсету мақсатында Түркияға көмектесу туралы тапсырма бергені атап өтілді.
Мәлімдемеде бірінші сатыда 370 адамнан тұратын іздеу-құтқару тобының нұсқау бойынша Түркияға жететіні атап өтілді.
Солтүстік Кипр Түрік Республикасы Премьер-министрі Үнал Үстел 8 көлікпен бірге 30 адамдық іздеу-құтқару тобының Түркияға жіберілетінін мәлімдеді.
Басқа жағынан Америка Құрама Штаттарының (АҚШ) Ұлттық қауіпсіздік кеңесшісі Джейк Салливан Түркияда болған жер сілкінісіне байланысты АҚШ-тың барлық қажетті көмекті беруге дайын екенін мәлімдеді.
Салливан Кахраманмараштың Пазаржык ауданында орын алған және айналасындағы аймақтарда сезілген 7,4 балдық жер сілкінісі туралы жазбаша мәлімдеме жасады.
Израиль Сыртқы істер министрі Эли Коэн Кахраманмараштағы жер сілкінісіне «қатты қайғырғанын» білдіріп, министрлігіне шұғыл көмек бағдарламасын дайындауды тапсырғанын мәлімдеді.
Украина президенті Владимир Зеленский жер сілкінісінен кейін Украина дос түрік халқына қажетті көмек көрсетуге дайын екенін айтты.
