Түркияда 284 адам қаза тапты
Вице-президент құтқару жұмыстарын үйлестіруде.
Кахраманмараштың Пазаржык ауданында 7,4 балдық жер сілкінісі болып, 284 адам қаза тауып, 2 мыңнан астам адам жарақат алды.
Апат және төтенше жағдайларды басқару президенттігі (AFAD) мәлімдемесінде "284 азаматымыз қаза тауып, 2 мыңнан астам азаматымыз жарақат алды. Кахраманмараштағы жер сілкінісі Түркия уақыты бойынша 04:17-де 7 шақырым тереңдікте болды" делінген.
Жер сілкінісі 10-нан астам қалада сезілді.
Табиғи апаттан кейін халықаралық көмекті қоса алғанда, 4-ші деңгейлі ескерту жасалды.
Құлаған ғимараттар орналасқан аймақтарда іздеу-құтқару жұмыстары басталды.
Президент Режеп Тайып Ердоған жер сілкінісінен кейін жариялаған жолдауында «Кахраманмарашта болған және еліміздің көптеген жерінде сезілген жер сілкінісінен зардап шеккен барлық азаматтарымызға ізгі тілектерімді білдіремін» деді.
Вице-президент Фуат Октай мен кейбір министрлер жер сілкінісінен кейін AFAD орталығындағы жұмысты үйлестіруде.
Ұқсас жаңалықтар
"Түркия Еуропа үшін маңызды"
Рютте «Түркиямен жақсы қарым-қатынас Еуроодақ және Нидерланды үшін маңызды» деді.