Калынның Финляндия мен Швеция мәлімдемесі

Президенттік аппараттың баспасөз хатшысы Ибрахим Калын Финляндия мен Швецияның НАТО-ға өтініші және Түркияның алаңдаушылығына байланысты келіссөздердің жалғасатынын, Мадрид саммитінің соңғы мерзім емес екенін білдірді.

Ибрахим Калын мен Сыртқы істер министрінің орынбасары елші Седат Өнал Бельгияның бас қаласы Брюссельдегі НАТО штаб-пәтерінде Швеция мен Финляндияның НАТО-ға мүшелік өтінішін талқылау үшін бас қосты.

Осында баспасөзге мәлімдеме жасаған Калын мүшелік өтініштері бойынша келіссөздердің жалғасатынын, Испанияның бас қаласы Мадридте 29-30 маусым күндері өтетін саммиттің соңғы мерзім емес екеніне назар аударды.

Калын НАТО-ның бір қауіпсіздік одақтастығы екенін және одаққа мүше болғысы келетін елдердің НАТО келісімін дәлме-дәл орындау және мүше елдер күн тәртіпке әкелген қауіпсіздік мәселелерін қанағаттандыру міндеттемесі бар екенін тиісті елдерге жеткізгендерін білдірді.

Калын келесі процесте анықтаушы фактордың бұл тақырыпта екі ел басатын нақты қадамдар екеніне назар аударды.

Президенттік аппараттың баспасөз хатшысы Ибрахим Калын бөлшектеуші террор ұйымы PKK-ның Швециядағы үгіт-насихат әрекеттерін болса «Ұйымның (бұл елде) жылдар бойы күшейген болмысының нақты көрсеткіші» деп бағалады.

«PKK-ның Еуропаның қақ ортасында бұл елдерді басып алғандай бір әрекеттер тізбегінде болуы қабылданбайды» деген Калын бұл мәселені жақыннан қадағалағандарын атап көрсетті.

НАТО-дан жасалған жазбаша мәлімдемеде Бас хатшы Йенс Столтенбергтің шақыруымен Түркия, Финляндия және Швециядан жоғары деңгейдегі лауазымды тұлғалардың Брюссельде штаб-пәтерде бас қосқаны хабарланды.

Мәлімдемеде Финляндия мен Швецияның НАТО-ға мүшелік өтініштерін ілгерілету мақсатында Түркия көтерген қауіпсіздік мәселелері талқыланған келіссөздерге қатысты Столтенберг «Түркияның терроризм тақырыбында заңды қауіпсіздік алаңдаушылықтары бар, біз оны шешуіміз керек. Сондықтан біз Финляндия мен Швецияның НАТО-ға мүшелікке өтініштерін талқылауды жалғастырамыз және мүмкіндігінше тезірек жол табу үшін асығамыз» деді.