"Түркияға инвестиция салғандар өкінбейді"
Ердоған Түркия-Пәкістан Бизнес форумына қатысты.
Президент Режеп Тайып Ердоған Түркияға инвестиция салған ешкімнің өкінбейтінін айтты.
Ресми сапармен кеше Пәкістанға кеткен президент Ердоған Түркия-Пәкістан Бизнес форумына қатысты.
Ердоған осында сөйлеген сөзінде Пәкістанмен сауданы алдымен 1 миллиард доллардан асыру, артынан 5 миллиард доллар мақсатына жеткізуді жоспарлағандарын білдірді.
Түркияның Пәкістандағы тікелей инвестициясының бүгінгі күні 500 миллион долларға жеткенін білдірген Ердоған: «Қазірге дейін елімізге сенген, Түркияға инвестиция салған ешкім өкінбеді» деді.
Президент Пәкістан халқының емделу үшін батыс елдерін таңдағанын айтып: «Түркия медициналық инфрақұрылымында үлкен жетістіктерге қол жеткізді. Әрі қызметте, әрі бағасының арзандығы жағынан Түркия батыстағы елдерден алда. Пәкістандық бауырларымыздың емделу үшін жаңа бағыты Түркия болуы керек» деді.