Ташкентте «Халықаралық түрік поэзия фестивалі» басталды

Өзбекстан астанасы Ташкентте «Халықаралық түрік поэзия фестивалі» басталды.

Мәдениет және туризм министрлігі, Түрік ынтымақтастық және үйлестіру агенттігі, Анкара әлеуметтік ғылымдар университеті, түркі мәдениетінің халықаралық ұйымы ТҮРКСОЙ және Өзбекстан Жазушылар одағының қолдауымен «16-шы Халықаралық түрік поэзия фестивалі» басталды. Фестивальге түркі әлемі мен Балқан елдерінен 100-ге жуық ақын қатысуда.

Іс-шара белгілі өзбек ақыны Әлішер Науаидың мүсініне гүл шоқтарын қою рәсімімен басталды.

Анкара әлеуметтік ғылымдар университетінің ректоры, Түркия Жазушылар одағының төрағасы, профессор Муса Казым Арыджан поэзия фестивалінің Өзбекстанда алғаш рет өткізілгенін мәлімдеді. Арыджан «Түркия Жазушылар одағының бастамасымен 1992 жылы екі жылда бір рет өткізілетін «Халықаралық түрік поэзия фестивалі» - түркі әлемінен әртүрлі диалектілерде жыр жазатын ақындардың басын біріктіріп, достық байланыстарын нығайтатын фестиваль. Іс-шараға түркі әлемінің түкпір-түкпірінен ақындар келді» деді.

30 қарашаға дейін жалғасатын фестиваль аясында поэзия шеберлік сағаты, концерттер, поэзия секциялары мен кітап тұсаукесері  ұйымдастырылады.