«Солтүстік Кипр Түрік Республикасы - Жерорта теңізіне ашылатын қақпа»
Ерсін Татар Бельгияда Түркия Палаталар және биржалар одағы Брюссель өкілдігінде өткен Түрік іскер әлемі кеңесінде сөз сөйледі.
Солтүстік Кипр Түрік Республикасының президенті Ерсін Татар Солтүстік Кипр Түркі әлемінің Жерорта теңізіне ашылатын қақпасы екенін айтты.
Ерсін Татар Бельгияда Түркия Палаталар және биржалар одағы Брюссель өкілдігінде өткен Түрік іскер әлемі кеңесінде сөз сөйледі.
Татар Солтүстік Кипр Түрік Республикасының өзіндік саяси мәселелері бар екенін мәлімдеп «Әлем бізді толық білмейді және бізге әлі де эмбарголар болғандықтан мәселелер туындайды. Бұған қарамастан 1974 жылдан бері мерзімді экономикалық өсу мен даму бар» деді.
«Қарсы тараптың әділетсіз әрекеттеріне қарамастан тәуелсіз түрік мемлекеті ретінде орнымызды алып жатырмыз. Кипрде 50 жылдан бері бейбітшілік, тыныштық және қауіпсіздік орнаған» деп мәлімдеді.
Татар халықаралық инвестицияның экономикалық дамудағы маңыздылығына назар аударып «Оқшаулану мен эмбарголар жойылса Солтүстік Кипр Түрік Республикасы одан әрі дамиды» деді.
Ерсін Татар Солтүстік Кипр Түрік Республикасының климаты, ауасы, табиғатымен және географиялық орнымен өте тиімді тартымдылық орталығы екенін айтты. «Бүгінде Шығыс Жерорта теңізіндегі тәуелсіз түрік мемлекеті болған Солтүстік Кипр Түрік Республикасы порттарымен, әуе кеңістігіндегі тиімділігімен, көгілдір отанының құндылығымен және логистикалық база ретіндегі сыйымдылығымен Түркі әлемінің Жерорта теңізіне ашылатын қақпасы» деді.
