Тоқаев Сергей Лавровты қабылдады

Қазақстан Президенті Қасым-Жомарт Тоқаев Ресей Сыртқы істер министрі Лавровты қабылдады. Қазақстан мен Ресей қарым-қатынасында достық, тату көршілік және стратегиялық серіктестік алдыңғы қатарға шыққан кездесуде өңірлік және халықаралық, соның ішінде көпжақты ұйымдардың өзекті мәселелері талқыланды.

Кездесу барысында Ресей Президенті Владимир Путиннің 27 қарашадағы Қазақстанға сапары екі ел арасындағы стратегиялық әріптестікті жеделдететіні айтылды.

Күндіз өзі қатысқан «Жаһандық және аймақтық үдеріс аясында: Қазақстан-Ресей өзара іс-қимылы» атты конференцияда Лавров Ресейдің Қазақстанға атом электр стансасын салу туралы ұсыныс жасағанын айтты. Лавровтың Астанадағы кездесулері барысында Ресей мен Қазақстан сыртқы істер министрліктері арасында 2025-2026 жылдарына жоспарланған ынтымақтастық жоспарына қол қойылды.

Кездесулер барысында Ұжымдық қауіпсіздік шарты ұйымы, Шанхай ынтымақтастық ұйымы, Тәуелсіз Мемлекеттер Достастығы және Еуразиялық экономикалық одақ аясындағы Қазақстан-Ресей қарым-қатынастарын дамытуға қатысты мәселелер талқыланды.