Қазақстан елшісі түрік азаматтарын көшпенді ойындарына шақырды

Қазақстанның Түркиядағы өкілетті  елшісі Еркебұлан Сәпиев барша түрік азаматтарын Қазақстанда өтетін V Дүниежүзілік Көшпенді ойындарына шақырды.  «Астана көшпелі бабаларымыздың рухымен бірге тіріліп келеді. Бұл шара елордамызды мәдениеттің, бәсекелестік пен достықтың жарқын аренасына айналдырады. Осы айтулы оқиғаны өз көзімен көру үшін  Түркия халқын шақырамын», - деді ол.

Қазақстан елшісі Еркебұлан Сәпиев жазбаша мәлімдемесінде мәдени мұраны қорғау ұлттың болмысын қалыптастыруда және оның болашағын анықтауда өте маңызды екенін білдірді. Сәпиев «Орталық Азияда аймақтың біздің дәуірімізге дейінгі 3 мың жыл бұрынғы бай және алуан түрлі тарихын ескерсек,  бұл ойындар біз үшін Олимпиада сияқты маңызды. Ойындар әлемге көшпелі халықтардың мәдениеті мен тарихын көрсетуге және оларды бауырмалдық сезіммен атап өтуге мүмкіндік береді. Осы орайда Астана көшпелі ата-бабаларымыздың рухымен бірге жанданады. Бұл ұлы оқиға. Көркем  астанамызды мәдениеттің, бәсекелестіктің және достықтың жарқын аренасына айналдырады. Мен әсіресе дос және бауырлас Түркия халқын осы мерекеге қатысуға шақырамын», - деді.

Біріншісі 2014 жылы Қазақстанда өткен V Дүниежүзілік Көшпенді ойындары 8 қыркүйекте Астанада басталып, 13 қыркүйекте аяқталады. Ойындарға 100-ге жуық елден 2500-ден астам қатысушы келеді деп жоспарланды. Көшпенді ойындарындағы спортшылар ат бәйгесі, дәстүрлі зияткерлік ойындар, жекпе-жек сайысы, ұлттық құсбегілер мен халық билері сынды 21 сала бойынша сынға түседі.

Ойын аясында көкпармен садақ ату, күрес, бүркіт салу сынды дәстүрлі спорт түрлері де болады.

Көшпенді ойындарынд спортпен қатар, Қазақстанның дәстүрлі тағамдары мен тұрмыс-тіршілігін көрсететін Этноауыл құрылады. Келушілерге қазақстандық бұйымдар таныстырылып, шеберлер қызықты шеберлік сабақтары арқылы өз құпияларымен бөліседі. Ойын барысында ақындар айтысы да өтеді.