Қырғызстанда су тасқыны

Қырғызстанның Жалалабад облысында су тасқыны болды.

Төтенше жағдайлар министрлігі таратқан ақпаратқа сәйкес, Базар-Қорқон ауданындағы Арстанбап ауылында толассыз жауған жаңбыр салдарынан су тасқыны жүрді, аурухана ғимараты, 5 көпір, ішкі жолдар мен саябақтарды су басып, 23 көлікті су ағызып әкетті.

Ауылға 50 полиция қызметкері, 250 адамдық азаматтық көмек және Төтенше жағдайлар министрлігінің қызметкерлері жөнелтіліп, осы топтар аймақта келтірілген шығынды анықтау жұмыстарын бастады.

Ош облысының Ноокат ауданында да жаңбыр нәтижесінде  су тасқыны жүріп, жолдар көлік қатынасына жабылды.