Астанада «5-ші Имамдар форумы» өтті

Қазақстанның бас қаласы Астанада «5-ші Имамдар форумы» өтті.

Қазақстан мұсылмандары діни басқармасы ұйымдастырған форумға Қазақстанның әр өңірінен 350-ден астам имам қатысты.

«Имам – ізгі қоғамның жаршысы» тақырыпты форумға ҚР Президентінің кеңесшісі, Ақпарат және әлеуметтік даму министрі, Қазақстан мұсылмандары діни басқармасының басшысы, Бас мүфти, ғалымдар мен қонақтар қатысты.

Елдің түкпір-түкпірінен 350-ден астам имам қатысқан шара Қазақстанның Ұлттық Әнұраны мен Құран Кәрім оқумен ашылды.

Форумда имамдардың білім деңгейін арттыру және имамдар санын көбейту, жамағатпен намаз оқу тәсілі, рухани құндылықтарды насихаттаудағы мүфтидің рөлі мен қажының рухани келбеті сынды мәселелер талқыланды.

Екінші жағынан, көптеген құжаттар қабылданды.

ҚР Бас мүфтиі Наурызбай Қажы Тағанұлы «Біз қазақ ұлтының құндылықтардың қорғауға қабылданған «Ұлттық құндылықтарды көтеруде мүфтидің рөлі» деген құжатты баршаға таныстыруға тырысамыз. Бұл біздің тіліміз, әдет-ғұрпымыз. Осылардың барлығы мүмкіндігінше имамдарымызбен бірге жеткізіледі және сондай-ақ бұл форумда имам намазының ережелері де қабылданады» деді.

Форум аясында Қазақстан Мұсылмандары Діни Кеңесінің стратегиялық даму жоспары қабылданды. Сондай-ақ форум аясында Қазақстан мүфтилігінің жылдың басынан бергі атқарған істері баяндалған бейнефильм көрсетілді.