Әзербайжанның Тегерандағы елшілігіне шабуыл жасалды

Иранның астанасы Тегерандағы Әзербайжанның елшілігіне қарулы шабуыл жасалды. Шабуылда елшіліктің қауіпсіздікке жауапты басшысы қаза тапты.

Әзербайжан Сыртқы істер министрлігінен жасалған мәлімдемеде Баку уақыты бойынша 08:30 шамасында Тегеран елшілігіне қарулы шабуыл жасалғаны хабарланды.

Мәлімдемеде калашников автоматынан оқ жаудырған шабуылшының елшілік қауіпсіздік басшысын өлтіріп, 2 күзетшіні жаралағаны атап өтілді.

Шабуылға қатысты тергеу жұмыстары жалғасуда.