Ердоған Тоқаевты құттықтады

Президент Режеп Тайып Ердоған Қазақстан Президенті Қасым-Жомарт Тоқаевпен телефон арқылы сөйлесті.

Президент Ердоған Қасым-Жомарт Тоқаевты Қазақстандағы президенттік сайлаудағы жеңісімен құттықтады. Бұл туралы Президенттік аппарат жанындағы Коммуникация басқармасы хабарлады.

Сайлау нәтижелерінің дос және бауырлас Қазақстан үшін пайдалы болуын тілеген президент Ердоған екі ел арасындағы кеңейтілген стратегиялық серіктестіктің жаңа кезеңде нығайып, тереңдей түсетініне сенім білдірді.