АҚШ-тың Мемлекеттік хатшысы Әлиевке алғысын айтты

Америка Құрама Штаттары (АҚШ) Мемлекеттік хатшысы Энтони Блинкен Әзербайжан президенті Ильхам Әлиевке Әзербайжан мен Армения арасындағы тікелей келіссөздер үшін алғысын айтты.

АҚШ Сыртқы істер министрлігінен жасалған жазбаша мәлімдемеде Блинкеннің Әлиевпен телефон арқылы сөйлескені хабарланды.

Мәлімдемеде «Министр Блинкен тұрақты бейбіт келісімге қол жеткізу үшін басшылар басқан оң қадамдарын, әсіресе Әзербайжан мен Армения Сыртқы істер министрлері мен көшбасшылары арасындағы соңғы тікелей келіссөздерге ризашылығын білдірді. Министр Блинкен Әзербайжанның 4 қазан күні 17 әскери тұтқынды босатуын да құптады» делінді.

Блинкеннің президент Әлиевке бейбітшілік процесін қолдау үшін уақытпен шектелетін және өлшемді қадамдарды жалғастыруға шақырған мәлімдемеде «Министр Блинкен АҚШ-тың осы процестің барлық аспектілерінде, соның ішінде шекараларды нақтылау, көлік байланысы, хабар-ошарсыз кеткен адамдарды іздестіру және анықтау, тұтқындарды алмасу және басқа мәселелерге қолдау көрсететінін қайталады. Ол Таулы Қарабах тұрғындарының құқықтары мен кепілдіктерін талқылаудың маңыздылығын, екі жақтың да атысты тоқтату режимін сақтау мен тұрақты бейбітшілікке жетудің бірден-бір жолы ретінде келіссөздер арқылы жасалған келісімге назар аудару қажеттігін атап өтті» делінді.

Энтони Блинкен телефон арқылы сөйлескен Армения премьер-министрі Никол Пашинянды да бейбітшілік мәселесінде Әзербайжанмен жұмысты жалғастыруға шақырды.