Қырғызстан мен Өзбекстан шекарада келісті

Қырғызстан мен Өзбекстан арасындағы шекараны белгілеу туралы бірлескен хаттамаға қол қойылды.

Қырғызстан үкіметінің баспасөз орталығынан жасалған мәлімдемеде екі ел үкіметтері арасындағы шекараны белгілеу туралы делегацияларының астана Бішкекте бас қосқаны білдірілді.

Кездесуден кейін Қырғызстан Ұлттық Қауіпсіздік Мемлекеттік комитетінің төрағасы мен Министрлер кеңесі төрағасының орынбасары Қамшыбек Ташиев пен Өзбекстан премьер-министрі Абдулло Арипов арасында бірлескен хаттамаға қол қойылғаны хабарланды.

Мәлімдемеде атап өтілгендей, хаттама қырғыз-өзбек мемлекеттік шекарасының жекелеген бөлімдері жайлы жаңа жоба бойынша келісімге келу рәсімін бастауды көздейді.

2021 жылы 23-25 ​​наурызда Өзбекстан астанасы Ташкентте өткен Қырғызстан мен Өзбекстан арасындағы 1379 шақырымдық ортақ шекараның 200 шақырымдық бөлігіндегі шекара туралы келіссөздерде өзара жер айырбастау әдісі жолымен мәселенің шешімін тапқаны білдірілген болатын.