Қазақстан шекарасына келген ресейлік азамат саны мыңнан асты

Қазақстан Сыртқы істер министрлігі Ресей азаматтарының келуіне қатысты жағдайды жіті қадағалап отырғанын және елеулі тәуекелдер туындаған жағдайда халықаралық және ұлттық заңнама аясында қажетті шаралар қолданылатынын мәлімдеді.

Министрлік жасаған жазбаша мәлімдемеде Қазақстандағы кейбір азаматтардың Ресейден келетіндер санының артуына алаңдайтыны айтылды.

Мәлімдемеде «Осы себепті мынаны түсіндірген жөн: Шетелдік азаматтардың Қазақстан Республикасына кіруі және қалуларына негіз болатын тәртіп бар. Қазіргі уақытта барлық мүдделі мемлекеттік органдар бұл жағдайды тұрақты бақылауда ұстап отыр» делінді.

Қазақстан аумағында жүрген әрбір шетел азаматының елдің көші-қон заңнамасын сақтауға міндетті екені айтылған мәлімдемеде «Мемлекет бәрінен үстем болған өзінің ұлттық мүдделерін қорғау тетіктеріне ие. Біз төңіректегі кез-келген күрделі геосаяси жағдайда ұлттық қауіпсіздікті қамтамасыз ету басымдылығымен әрекет ететінімізді айтқымыз келеді» делінді.

Мәлімдемеде елдің инфрақұрылымының қазіргі көші-қон жағдайын қиындықсыз еңсеру үшін қызмет көрсету нысандарының мүмкіндігінше жұмыс істеп жатқаны атап көрсетілді.

Мәлімдемеде аталған жағдайдың жіті қадағаланып отырғаны айтылып «Ауыр тәуекелдер туындаған жағдайда халықаралық құқық пен ұлттық заңнаманы ескере отырып, тиісті шаралар қабылданатын болады» деді.

Ұлттық қауіпсіздік комитеті таратқан мәлімдемеде еліміздің Ресеймен шекаралас қақпаларында Қазақстанға өткісі келетіндер санының артқаны хабарланды.

Мәлімдемеде қазір 30 шекара қақпасының қалыпты режимде жұмыс істеп жатқаны атап «Олардың төртеуінде жолаушылар мен көлік ағынының артуына байланысты кептелістерге ұшырайды. Жағдай ерекше бақылауға алынды» делінді.

Ресейде ішінара жұмылдыру жарияланғаннан бері Ресей азаматтарының Қазақстанға келуі жалғасты.

Соңғы тәулікте Қостанай облысына Қазақстанның Ресеймен шекаралас қалаларынан мыңнан астам ресейлік азамат барғаны айтылады.