Нұр-Сұлтанда халықаралық онлайн-конференция
Конференцияда саммиттің ұйымның дамуына қосқан үлесі атап көрсетілді.
Кеше Нұр-Сұлтан қаласында «Астанадағы ЕҚЫҰ-2010 саммитінің тарихи мәні мен өзектілігі» халықаралық онлайн-конференциясы өтті.
2010 жылы Қазақстан – Орталық Азияның бірінші өкілі, посткеңестік кеңістіктегі елдер арасындағы алғашқы мемлекет және еуропалық құрылымға төрағалық еткен алғашқы мұсылман елі болғаны белгілі.
Қазақстан Республикасының Тұңғыш Президенті – Елбасы кітапханасында өткен конференцияға ҚР Сыртқы істер министрі Мұхтар Тілеуберді, ЕҚЫҰ-ның қазіргі төрағасы, Швеция Корольдігінің Сыртқы істер министрі Анн Линде мен ЕҚЫҰ-ның Бас хатшысы Хельга Шмид, 2010 жылы ЕҚЫҰ-ның төрағасы болған Қанат Саудабаев пен Қазақстан елбасының кеңесшісі Әділ Тұрсынов, саясат қайраткерлері, ғалымдар және дипломатиялық миссия өкілдері қатысты.
Қазақстан Республикасы Премьер-министрінің орынбасары, Қазақстан Республикасы сыртқы істер министрі Мұхтар Тілеуберді өз сөзінде Қазақстан мен ЕҚЫҰ-ның өзара іс-қимылының диалог пен әлемді ілгерілету бойынша басты басымдықтарын атап өтіп, Қазақстанның 2020 жылы АӨСШК-ке төрағалық еткенін еске салды.
Конференцияның модераторы және баяндамашысы болған Елбасы кітапханасының директоры Бақытжан Темірболат «Еуропадағы Қауіпсіздік және ынтымақтастық ұйымы әлем бойынша – ең үлкен қауіпсіздік ұйымы. Еуропа, Америка және Азиядағы 57 елді шаңырағы астында бірлестіріп тұр. Сондықтан 2010 жылы Қазақстанда ЕҚЫҰ-ның саммитінің өткізілуі және кезекті төрағалық атқару Қазақстан үшін маңызды жетістік» деді.
Ұқсас жаңалықтар
Қазақстанда 2 мыңнан астам адам эвакуацияланды
Қазақстанда су жайылған елді мекендерден 2 мыңнан астам адам эвакуацияланды.