Қазақстан көліктеріне сұраныс артты

«Қазақстанда жасалды» маркалы көліктерге Ресей, Қытай, Тәжікстанда сұраныс  артты. Бұл Қазақстандағы отандық машина жасау зауыттарының жұмыс ауқымын кеңейтіп, экспорттық әлеуетінің артуына ықпал етті.  

Соңғы 6 айда Қазақстанның машина жасау өндірісінде екі пайызға даму байқалған. Қазақстандық Автобизнес Қауымдастығы 2018-ші жылдың алғашқы алты айында көліктің барлық түрі бойынша жалпы саны 14 мың 660 көлік құралы құрастырылғанын мәлімдеді.

Елдің ең маңызды 6 машина құрастыру зауытында 13 мың 725-і жеңіл автокөлік, 486 камаз, 153 автобус және басқа да көлік құралының шығарылғаны хабарланды.  

Қазақстанның көлік құрастыру зауыттарының көшін Қостанайдағы «Сарыарқа Авто Пром» бастап тұр. Бұл жерде жарты жыл ішінде 5 мың 297 көлік жасалып, ел және шетел нарығына сатылған.

Автор: “TRT” Астана Өкілдігі