Түрік баспасөзіне шолу
Газеттер маңызды жаңалықтарға орын берген.
Сабах газеті Министр Фиданның «Израильге қару сату – геноцидке ортақтасу» деген сөздерін тақырып ретінде қолданған.
Сыртқы істер министрі Хакан Фидан Джибутиде өткен Түркия-Африка әріптестігінің Министрлік шолу үшінші конференциясының ортақ баспасөз мәслихатында сөз сөйледі. Фидан: "Израильге қару сатудың геноцидке ортақтасу екенін әр мүмкіндікте қайта айтуымыз керек."- деді.
Ватан газеті Грекияға қашуға тырысқан 2 FETÖ мүшесінің қолға түскенін хабарлаған.
Газеттегі мәліметке сәйкес Ұлттық Қорғаныс министрлігі Түркиядан Грекияға заңсыз жолмен өтпекші болған 2 FETÖ мүшесінің ұсталғанын жариялады.
Стар газеті Түркияның технология экспортындағы рекордтық өсімге назар аударған.
Өнеркәсіп және технология министрі Мехмет Фатих Кажыр Түркияның жоғары технологиялық өнім экспортының 10 миллиард долларға жақындағанына назар аударды. Кажыр орташа және жоғары технологиялық өнім экспорты 2022 жылы рекорд жасап, 97,3 миллиард долларға жеткенін және ағымдағы жылдың 9 айында 73,4 миллиард доллар деңгейінде болғанын атап өтті. Министр экспортты арттыру үшін түрлі бағдарлама мен қолдаулардың тұрақты түрде жалғасатынын айтты.
Йени Шафак газеті «Экспортта қазан рекорды 23,6 миллиард доллар» атты хабарға орын берген.
Қазан айында экспорт 3,6 пайызға артып, 23,6 миллиард доллар болса, импорт 0,1 пайызға төмендеп, 29,4 миллиард долларды құрады. Сыртқы сауда тапшылығы жылдық негізде 13 пайызға азайып, 5,7 миллиард долларға түсті. Сауда министрі Өмер Болат: "Республика тарихымыздың қазан айындағы ең жоғары экспортын жасадық. Осылайша соңғы 15 айдың 10-ында рекордты жаңарттық.",- деді.
Хабер Түрік газеті 46-шы Стамбул марафонының аяқталғанын хабарлаған.
Түркия Іс Банкісінің демеушілігімен «Спорт Стамбул» ұйымдастырған 46-шы Стамбул марафоны өз мәресіне жетті. «Әлемдегі жалғыз құрлықаралық марафон» атағын иеленген және Дүниежүзілік жеңіл атлетика федерациясының "Gold Label" категориясында орналасқан марафон 46-шы рет өткізілді. Марафонда ерлер категориясында эфиопиялық спортшы Дежена Дебела 2.11.40 көрсеткішімен жеңіске жетті. Әйелдер санатында Бахрейндік спортшы Рут Джебет 2.24.45 көрсеткішімен бірінші болды.
