Түрік баспасөзіне шолу
Түрік баспасөзінің тақырыптары.
Сабах газеті «Соңғы бір аптада 95 террорист залалсыздандырылды» тақырыпты хабар жариялаған. Хабарға қарағанда Ұлттық Қорғаныс министрлігі кешегі баспасөз брифингінде терроризммен күреске қатысты мәлімдеме жасады. Түрік Қарулы күштерінің соңғы аптада жүргізген операцияларында 95 террористің залалсыздандырылғаны жарияланды.
Хүррийет газеті «Түркиядан Ұлыбританияға экспорттық рекорд» тақырыпты хабарға орын берген. Хабарға қарағанда Түркия Экспортшылар Мәжілісі деректері бойынша Түркия 8,3 миллиард доллармен Ұлыбританияда қаңтар-тамыз айларының ең жоғары экспортына қол жеткізді.
Стар газеті «Барактар Акынжы «Kuzgun-SS» зымыраны нысанасын дәлдеп жойды! Сынаққа байланысты Селчук Байрактар видео жариялады» атты хабар жариялаған. Хабарға қарағанда пилотсыз әуе көлігі «Байрактар Акынджы» отандық «Kuzgun-SS» зымыранымен сынағынан сүрінбей өтіп, нысанасын дәлдеп жойды.
Йени шафак газеті «THY-нің Сидней рейстері басталады» тақырыпты хабарға орын берген. Хабарға қарағанда
Түрік Әуе жолдары (ТӘЖ) Стамбулдан Австралияның ең үлкен қаласы Сиднейге 4 желтоқсанда өзара рейстердің басталатынын хабарлады. Стамбул мен Сидней арасындағы рейстер аптасына 4 күн Куала-Лумпур арқыл Airbus A350-900 ұшағымен жүзеге асады.
Хабер түрік газеті «Домузтепеде 7600 жастағы баланың қаңқасы табылды» тақырыпты хабарға орын берген. Хабарға қарағанда Кахраманмараштың Түркоғлу ауданындағы Домузтепе құрғанында жүргізілген қазба жұмыстары барысында 7600 жылдық бір бала қаңқасы табылды.
