Түрік баспасөзіне шолу
Түрік баспасөзінің басты тақырыптары.
Йени шафак газеті «244 түрік батыры АҚШ-қа үлгі болды» тақырыпты хабарға орын берген. Хабарға қарағанда АҚШ әскери барлау бөлімшесі дайындаған есепке қарағанда Корея соғысында тұтқынға түскен 244 түрік әскері ортаға қойған ұстаным АҚШ армиясының әскери оқу-жаттығу бағытын толығымен өзгерткен. АҚШ армиясы «тұтқында болу және жауынгерлік жаттығуы, тірі қалу, қашып-құтылу және тергеу әдістеріне қарсы шыдамдылық» тақырыптарында өзінің оқу-жаттығу бағдарламасын түрік әскерлерін үлгі алып дайындаған.
Сабах газеті «Ұлттық барлау ұйымы «MOSSAD»-тың ақша желісіне үлкен соққы енгізді» тақырыпты хабар жариялаған. Хабарға қарағанда Ұлттық барлау ұйымы жасаған операциямен Стамбулда Израиль барлау қызметінің (MOSSAD) ақша желісін басқарған Косово азаматы Лиридон Реджепи қамауға алынды.
Стар газеті «Түрік лирасымен 169 елге экспорт жасалады» атты хабар жариялаған. Хабарға қарағанда Түрік лирасының сыртқы саудасы ағымдағы жылдың алғаш 8 айында өткен жылдың бірдей кезеңімен салыстырғанда 44 пайыз артып, 708 миллиард 310 миллион лираға жетті.
Хүррийет газеті «Хүйүк құлпынайы Еуроодақта тіркелді» тақырыпты хабарға орын берген. Хабарға қарағанда Конияның Хүйүк ауданында өсірілген «Хүйүк құлпынайы» Еуроодақтың (ЕО) тіркеуінен өтіп, Түркияның географиялық белгісі бар өнімдері қатарына енді. Осылайша ЕО-да тіркелген Түркияның географиялық белгісі бар өнімдерінің саны 25-ке жетті.
Хабер түрік газеті «VakıfBank 3-ші рет Гиннес рекордтар кітабына енді» тақырыпты хабарға орын берген. Хабарға қарағанда «CEV» Чемпиондар Лигасында 6 рет чемпион атанған VakıfBank Еуропалық клубтар арасында маңызды болып табылатын сайыста ең көп жеңіске жеткен клуб аталып, Гиннес рекордтар кітабына 3-ші рет ену құқығына ие болды.
