Түрік баспасөзіне шолу
Газеттер маңызды жаңалықтарға орын берген.
Хүрриет газеті «Фидан Рафах шекарасынан ескертті: біз қысымды арттыруымыз керек» деген хабар жариялаған. Сыртқы істер министрі Хакан Фидан Рафах қақпасына барған кезде «Егер біз осы қырғынды дереу тоқтатпасақ, осы қырғынның серіктесі боламыз. Сондықтан барлық көмегімізді жасауға тырысуымыз керек. Біз Израильге қысымды арттыруымыз қажет» деді.
Йени Шафак газеті Сыртқы істер министрлігінің ескертуіне орын берген. Хабарға қарағанда, Сыртқы істер министрлігі егер қажеттілік болмаса, «Ливанға бармаңыздар. Сол жақтағы азаматтар да тез арада қайтсын» деп ескерту жасады.
Стар газеті «Әлем тарихи айырбастау операциясын мақтады» деген тақырып қолданған. Өткен аптада өткізілген тарихи тұтқын алмастыру операциясы әлемде жаңғырды. АҚШ-тағы «Атлантикалық Кеңесі» деп аталатын ұйым Түркияның тұтқын алмастыру операциясы осы елдің батыс пен Ресей арасындағы тепе-теңдік саясатын сынаған елдер үшін сабақ болды» деп мәлімдеді.
Сабах газеті «Туризм орталығында 2 рекорд» деген хабарға орын берген. Көлік және инфрақұрылым министрі Абдулкадир Уралоғлу Анталия әуежайы 3 тамызда 3 мың 217 рейс және 223 мың 217 жолаушыға қызмет көрсету арқылы әрі әуе қозғалысы, әрі жолаушы саны рекордын жаңалағанын білдірді.
Хабер Түрік газеті «Кузей Тунчелли рекорд жасап, Олимпиадада бесінші орын алды» деген хабарға орын берген. Газеттің хабарына қарағанда, түрік жүзуші 16 жастағы Тунчелли 2024 Париж Олимпиада ойындарында 1500 метр еркін жүзуде 14.41.22 дәрежесімен жастар арасындағы әлемдік рекордты жаңалады.
