14.02.2015 күнгі түрік баспасөзі

Стар газетінің «Әлем Батыстан ғана құралмайды» атты хабарында президент Ердоғанның Оңтүстік Америка сапарын тамамдап елге оралғаннан кейін оқырмандарға твид жазғанын хабарлаған. Газет президент Ердоғанның жазған твидінде Біріккен Ұлттар Ұйымы Қауіпсіздік Кеңесінің күш тепе-теңдігі туралы көзқарастарын білдіргенін жариялаған.
Хабарға қарағанда президент Ердоған «Әлем 5 тұрақты мүшеден үлкен, осы шындықта барша әлеммен бөлісуге тырысамын. Әлеуметтік және экономикалық дағдарыстарға шара таба алмаған бір халықаралық жүйеге деген сенім азайды. Әлемнің тек Батыстан ғана құралмағанын, Шығысы, Солтүстігі, Оңтүстігімен көп орталықты бір жүйе екенін баршаның қабылдауы керек» деді.

Йени Шафак газеті «БҰҰ-да күш теңдігі жоқ», Ватан газеті «Обама наразылық көрсетті», Миллиет газеті «Обама көңіл айтты», Хүрриет газеті «Обама мұсылман жастардың отбасына көңіл айтты» атты тақырып қолданды.

Йени Шафак газетінің «Үш күннен кейін үн қатты» деген хабарында президент Режеп Тайып Ердоғанның «Қайдасың президент» деп наразылық көрсеткен АҚШ президенті Барак Обаманың үш мұсылман жастың өлтірілуінен үш күннен кейін оқиғаны айыптағанын жариялаған. Хабарға қарағанда Обама «Америка Құрама Штаттарында кімде кім көзқарасы немесе ғибадат түрі салдарынан нысанаға алынбауы керек. Баршамыз бір Америка отбасымыз» деді.

Йени Шафак газетінің «Дүниежүзі дәрігерлері Африка еліне атсалысуда» деген хабарында 40-тан астам елден келген дәрігерлердің Угандада Ислам университетінде бір медициналық факультет құрғанын білдірген.

Хабар Түрік газетінің «Түрік Экономика Банкі екінші мәрте Еуропа және Түркияның ең үздік жұмыспен қамтамасыз еткен ұйымы болып сайланды» атты хабарында фирмалардың адам қайнар көздері саясаты және атқаруларын 25 жылдан бері сарапқа салып келген Top Employers Institute биыл 36 Еуропа елінің 667 фирмасын тексергенін мәлімдеген. Газет осы барыста Түрік Экономика Банкінің алғашқы 5 ұйым ішіне кіріп, екінші мәрте Еуропа және Түркияның ең үздік жұмыспен қамтамасыз еткен ұйымы болып сайланғанына орын берген.

Миллиет газетінің «Түрік әуе жолдары қаңтарда 4,4 миллион адамды тасымалдады» атты хабарында Түрік әуе жолдарының қаңтар айында жалпы жолаушы санының 2014 жылымен салыстырғанда 9,5 пайыз артып, 4,4 миллион болғанын жазған.

Миллиет газетінің «Тілсім дауысты түріктер тапты» деген хабарында тұтынушылардың бірдей шағымы мұздатқыштан келген дауыстың сырын түрік инженерлерінің шешкенін жеткізген. Газет Заманауи білім беру пән MEF университеті маманы Хасан Конук пен Стамбул университеті маманы Ахмет Арысойдың мұздатқыштан келген дауыстың сырын тапқанын мәлімдеген.