Дәстүрлі «тулум» аспабы ЮНЕСКО-ның тізімінде
Бұл туралы Мәдениет және туризм министрі Мехмет Нури Ерсой мәлімдеді.
Дәстүрлі тулум музыкалық аспабын жасау және орындау Біріккен Ұлттар Ұйымының Білім, ғылым және мәдениет жөніндегі ұйымының (ЮНЕСКО) Адамзаттың материалдық емес мәдени мұрасының репрезентативтік тізіміне енгізілді.
Мәдениет және туризм министрі Мехмет Нури Ерсой әлеуметтік желі парақшасында Парагвай астанасы Асунсьон қаласында өткен ЮНЕСКО-ның Материалдық емес мәдени мұра комитетінің 19-шы отырысынан тағы бір қуанышты хабар алғандарын білдірді.
Ерсой Солтүстік Македониямен бірге дайындалған «Дәстүрлі тулум аспабын жасау және орындау» құжатының ЮНЕСКО-ның адамзаттың материалдық емес мәдени мұраларының репрезентативтік тізіміне енгізілгенін мәлімдеді.
«ЮНЕСКО-дағы мәдени мұра саны 31-ге жетті. Түркия ЮНЕСКО-ның материалдық емес мәдени мұралар тізіміне ең көп мұра тіркеген екінші ел ретінде жетістігін сақтады» деді министр.
