«TRT халықаралық деректі фильм марапаттары» байқауына өтінім қабылдау жалғасуда

Түркия Телерадио Корпорациясы  (TRT) биыл 15-ші рет ұйымдастырған «TRT халықаралық деректі фильм марапаттары» байқауына өтінімдер 15 қарашаға дейін жалғасады.

Байқау әуесқой және кәсіби киногерлерді қолдау, деректі жанрдың дамуына және таралуына үлес қосу, түрлі елдердің деректі фильмдерін көрермендермен қауыштыру мақсатында өткізіледі.

Әлемнің түкпір-түкпірінен сала мамандарының басын қосып, пікір алмасуды мақсат ететін байқауға өтінімдер 15 қарашаға дейін «www.trtbelgesel.com» сайтында қабылданады.

Газадағы адамзат трагедиясына назар аудару мақсатында «Алыс болса да, шын мәнінде өте жақын» ұранымен өткен шараға биыл 17 қазаннан бастап шетелдің өзінен 840 өтініш келіп түскен.

Ұлттық және халықаралық номинациялар бойынша 13 марапат беріледі.

Байқауға қатысу тегін. Марапаттар 4 номинация бойынша өз иелерін табады. Олар «Халықаралық кәсіби санат», «Ұлттық кәсіби санат», «Ұлттық студенттік санат» және «Жобаларды қолдау санаты».

Алғашқы 3 номинацияға ТРТ-ның 60 жылдығына орай «60-жылдыққа арнайы сыйлық» марапаты да беріледі. Байқауда барлығы 13 жүлде беріледі.

Алғашқы іріктеу нәтижелері 22 қарашада жарияланса, жеңімпаздар 15 желтоқсанда өтетін марапаттау рәсімінде жарияланады.

Кино саласының мамандарымен шеберлік сабақтары, деректі фильмдердің бүгіні мен болашағы туралы сұқбаттар және басқа да іс-шаралар барлық қатысушылар үшін тегін болады.