TRT фильмдері - халықаралық фестивальдерде
Фильмдер әлемдік премьераларын жүзеге асырады.
Түркия Телерадио Корпорациясының (ТRТ) бірлескен жобалары 81-ші Венеция фильм фестивалі, 49-шы Торонто фильм фестивалі және 72-ші Сан-Себастьян фильм фестивальдерінде бақ сынайды.
ТRТ мәлімдемесіне қарағанда, «Quiet Life” фильмі биыл 28 тамыз-7 қыркүйек арасында өтетін 81-ші Венеция фильм фестивалінде әлемдік премьерасына шығады.
Александро Авранас режиссерлігін атқарған, продюссерлер Алехандро Аренас пен Сезги Үстүн Санның фильмі 2022 жылы «TRT 12 Punto» байқауында лауреат атанған болатын.
TRT-нің бірлескен жобасы «Гүлизар» фильмі биыл 5-15 қыркүйек күндері арасында 4-шы Торонто фильм фестивалінде әлемдік премьерасына шығады. Айрықша бұл фильм 20-28 қыркүйектегі 72-ші Сан-Себастьян фильм фестивалінде Еуропа премьерасын жүзеге асырады. Өткен ай болған 58-ші Карловы Вары фестивалінде "March to May" әлемдік премьерасына шыққан болатын. Фильм “Trieste» фестивалінің "First Cut+" бөлімінде TRT сыйлығын алған еді.
Фестивальдің "Horizons" бөлімінде болса TRT бірлескен фильмі "Shambhala" көрсетілді. Түркия. Непал, Франция, Катар, Норвегия, Гонкок, Қытай, Тайвань және АҚШ бірігіп түсірген фильм «TRT 12 Punto 2019» байқауында TRT Халықаралық бірлескен жоба сыйлығын алды. Фильмнің премьерасы ақпан айында Берлин фильм фестивалінде өткен еді.
TRT-нің халықаралық фестивальдерге қолдауы Еуропа және Балқаннан кейін Африкада да жалғасуда.
Оңтүстік Африканың Дурбан қаласында биыл 45-ші мәрте өтетін «Дурбан фильм фестивалімен» бірдей уақытта болатын "15. Durban FilmMart" байқауында ұзын метражды жобалардың біріне TRT сыйлығы берілді.
