Месут Өзилдің қайырымдылығы

Ұлыбритания Премьер лигасында Арсенал командасында ойнайтын түрік текті футболшы Месут Өзил Түрік Қызыл жарты ай қоғамының Рамазан айы акциясына қатысты.  Ол  акцияға 114 мың адамдық ауызашар және азық-түлік пакеті бағыштап, үлкен үлес қосты. 

Түрік Қызыл жарты ай қоғамы Месут Өзилдің акцияға 713 мың лиралық қолдау бергенін білдірді. 

Тәжірибелі футболшының ақшасымен осылайша Түркияда 16 мың адамға ауызашар, Түркия және Сирияда екі мың отбасыға азық-түлік пакеті, Сомалидің бас қаласы Могадишода Түрік Қызыл жарты ай қоғамының асханасында 90 мың адамға ауызашар беріледі. 

Өткен жылы отау құрған Месут Өзил тойының қаражатын Түрік Қызыл жарты ай қоғамына беріп,  16 мың адамға көмектескен болатын.