Түркияның Газаға көмегі жалғасуда

Апат және төтенше жағдайлар басқармасы Израиль шабуылдары салдарынан азық-түлік дағдарысы орын алған Газа секторының орталық бөлігіндегі Нусайрат босқындар лагерінде палестиналықтарға ұн таратты.

Ұн тарату Біріккен Ұлттар Ұйымының Таяу Шығыстағы палестиналық босқындарға көмек және жұмыс агенттігімен бірлесіп жүргізілді. Жүздеген палестиналық Нусайрат босқындар лагеріндегі палестиналық босқындарға көмек және жұмыс агенттігі орталығына жиналды.

Гуманитарлық көмек алғандардың бірі палестиналық егде жастағы Эмани әл-Шариф болды. «Біз Израиль жүргізген қырғын соғыстың кесірінен ашаршылықтың көлеңкесінде немерелерімізге ұн алуға келдік» деді қарт.

Шариф «Газа секторында су, азық-түлік және дәрі-дәрмек тапшылығына байланысты өмір сүру күннен-күнге нашарлауда. Соғыс аяқталып, палестиналықтар бейбіт өмірге қайта оралады деп үміттенеміз» деді.

Аты-жөнін атамаған тағы бір палестиналық әйел бір қап ұн алу үшін таңнан бері кезекте тұрғанын және бұл көмекті бір жарым айдан астам уақыт күтіп жүргендерін айтты. «Ұн тапшылығына байланысты ауыр дағдарысты бастан кешіріп жатырмыз. Израиль қоршауы мен геноцид салдарынан тек нан жейміз», -  деді. Палестиналық әйел соғыс аяқталып, қалыпты өмірге оралғысы келетінін  айтты.