Үндістанда мешіттерге деген дұшпандық

Үндістанда мешіттер соңғы кезде әсіре оңшыл үндістердің шабуылына жиі ұшырап отыр.

Үндістанның әсіре оңшыл топтары мұсылмандар билігі кезінде қираған храмдардың үстіне мешіт салынған деп санайды.

Осы шабуылдың  ең соңғы нысаны -  солтүстік Уттар-Прадеш штатындағы Шахи Джама мешіті ретінде белгілі 16 ғасырдағы Самбхал мешіті. 2024 жылдың 19 қарашасында берілген петицияда мешіт ежелгі Харихар ғибадатханасының қирандыларының үстінде тұр деген тұжырым орын алды.

1920 жылы ағылшын билігі кезінде «қорғалатын ескерткіш» деп танылған мешіт қазір  тарихи мәртебесіне қауіп төндіретін құқықтық қиындықтарға тап болып отыр.