Украина дипломатиялық шешім іздейді

Украина президенті Владимир Зеленский Киевтің Қырымды қоса алғанда Ресей бақылауындағы аймақтарды дипломатиялық жолмен қайтаруды көздейтінін айтты.

Зеленский Жапонияның «Kyodo» ақпарат агенттігіне берген сұхбатында: «Біздің армиямыздың Қырым сияқты кейбір аймақтарды қайтаруға жеткілікті күші жоқ. Бұл шындық. Сондықтан дипломатиялық шешімдер табуымыз керек», – деді. Ол Ресейдің қосымша әскери іс-әрекеттерден бас тартатындай жағдайға жеткенге дейін келіссөздердің жалғасатынын және тұрақты шешім іздейтінін атап өтті.