Бразилияда декларация жарияланды

Бразилияның ұйымдастыруымен Рио-де-Жанейрода басталған 19-шы G20 Лидерлер саммитінің бірінші күнінде Газа, Ливан және Украинадағы оқиғаларға байланысты декларация жарияланды.

Декларацияда Израиль шабуылына ұшыраған Газа секторындағы гуманитарлық жағдай «апат» деп сипатталып, аймаққа гуманитарлық көмек қажеттігі баса айтылды.

Палестиналықтардың өз тағдырын таңдау құқығы бар екеніне назар аударылып, екі мемлекетті шешім ұсынылды. Израиль-Ливан шекарасында атысты тоқтатуға қолдау көрсетілетіні жарияланды.

Декларацияда Украинадағы соғыстың жаһандық азық-түлік және энергетикалық қауіпсіздікке тигізген кері әсеріне баса назар аударылып, тұрақты бейбітшіліктің қолдау тапқаны атап өтілді.

Ядролық қарудан азат және «барлығы үшін қауіпсіз әлем» құру мақсатына адалдық баса айтылды.

Сонымен бірге G20 елдерінің климаттық дағдарыспен күрестегі табандылығына назар аударылды. Декларацияда кедей елдерге көбірек қаржы қажет екені де баса айтылды.