Суданда эпидемиядан 979 адам қаза тапты

Судандағы тырысқақ эпидемиясынан қайтыс болғандар саны 979-ға жетті.

Суданның Денсаулық сақтау министрлігі жасаған мәлімдемеде елде бұл ауруға шалдыққандардың жалпы саны 34 108-ге жеткені айтылды.

Мәлімдемеде тырысқақ эпидемиясынан қаза тапқандар саны 979-ға жеткені көрсетілді.

Суданда маусым айында басталған жаңбыр мен тасқындар тырысқақтың таралуына себеп болған. Судандық билік өкілдері 12 тамызда тырысқақты эпидемия деп жариялады.

Біріккен Ұлттар Ұйымының (БҰҰ) Гуманитарлық істерді үйлестіру басқармасы 1 қазанда 3,4 миллион судандық баланың жұқпалы ауру қаупі астында екенін мәлімдеген болатын.

БҰҰ Балалар қоры (ЮНИСЕФ) 5 қазанда Суданға 1,4 миллион доза тырысқаққа қарсы вакцина жібергенін хабарлады.

Соғыс жүріп жатқан Суданда денсаулық сақтау жүйесі тиімді жұмыс істемей тұрған осы кезеңде жұқпалы аурулардың таралуы адамдардың өмірін одан сайын қиындата түсуде.