Калифорнияда мыңдаған адам эвакуацияланды

АҚШ-тың Калифорния штатында күшті жел салдарынан бақылауға алынуы мүмкін болмаған орман өртінің себебінен мыңдаған адам эвакуацияланды.

Калифорния Орман шаруашылығы және өрттен қорғау департаменті штаттың оңтүстігінде кеше басталған және күшті жел салдарынан әлі бақылауға алынбаған өрт туралы мәлімдеме жасады.

Мәлімдемеде өрт салдарынан Камарильо ауданында 3500 ғимаратқа қауіп төнгені және 10 мыңнан астам адамның эвакуациялануына шешім қабылданғаны айтылды.

Штат билігі өртке қарсы күреске кемінде 800 өрт сөндіруші жіберілгенін және мектептер орналасқан 12 аймақта білім беру процесіне 1 күндік үзіліс енгізілгенін хабарлады.

Билік өкілдері аймақ тұрғындарына өрт, электр қуатының өшуі және ағаштардың құлауы сияқты қауіптерге байланысты сақ болуды ескертті.

Сонымен қатар АҚШ Ұлттық метеорологиялық қызметі өрт қаупінің жоғары болуына байланысты «қызыл жалау» ескертуін жариялады.